Rusiya Zaporojye vilayətində həbsxananı bombaladı, 16 nəfər həlak oldu

İyulun 29-na keçən gecə Rusiya hərbçiləri Zaporojye bölgəsinə azı səkkiz aviasiya bombası atıblar. Təhlil.az xəbər verir ki, bu barədə vilayət hərbi administrasiyasının rəhbəri İvan Fedorov bildirib.

500 kiloqramlıq bombalardan biri Zaporojye vilayətindəki cəzaçəkmə müəssisəsinin binasına düşüb. Nəticədə 16 nəfər həlak olub, 35 nəfər yaralanıb. Fedorovun sözlərinə görə, dağıdılan cəzaçəkmə müəssisəsinin yaxınlığındakı fərdi evlərə də ziyan dəyib.