Tramp İrana yenidən zərbə endirmək istədiyini bildirib

ABŞ İranla davamlı sülhü tam dəstəkləyir, lakin eyni zamanda, Tehran Vaşinqton üçün təhlükə yaradarsa, respublikaya “zərbə vurmağa hazırdır və bunu istəyir”.

Təhlil.az xəbər verir ki, bunu Ağ evin rəhbəri Donald Tramp İsrailin baş naziri Benyamin Netanyahu ilə birgə mətbuat konfransı zamanı deyib.

"Mənim fikrimcə, ümid edirəm ki, bu iş bitdi. Düşünürəm ki, İran görüş keçirmək istəyir. Məncə, onlar sülhə nail olmaq istəyirlər və bunu tam dəstəkləyirəm. Əgər belə deyilsə, o zaman biz hazırıq, istəyirik və yenidən zərbə endirə bilərik”, – Amerika lideri İsraillə İran arasında müharibənin bitib-bitmədiyi sualına belə cavab verib.