Metro tikintisinə start verildi: 35,4 milyon manat ayrıldı

Bakıda yeni metro stansiyalarının tikintisi üzrə layihələndirilmə işlərinə start verilir.

Təhlil.az xəbər verir ki, Yaşıl xətt üzrə Y14−Y17 və Bənövşəyi xətt üzrə B5−B8 stansiyaları üçün tunellərin və stansiyaların tikintisinin, Yaşıl və Qırmızı xətlərin ayrılması və eləcə də, “İçərişəhər” stansiyasında keçid kamerasının, geri dönüş tunelinin və yeraltı avtomobil dayanacağının tikintisi layihələndirilməsi üzrə işlər aparılacaq.

Belə ki, "Bakı Metropoliteni" Qapalı Səhmdar Cəmiyyəti (QSC) artıq bununla bağlı müvafiq işləri yekunlaşdırıb.

QSC sözügedən işlərin icrasını "Yüksel Proje" MMC-yə həvalə edib və müqavilə bağlayıb.

Müqaviləyə əsasən, MMC-yə 35,4 milyon manat ödənilib.

“Bakı Metropoliteni”nin müqavilə bağladığı "Yüksel Proje" MMC 2024-cü ildə dövlət qeydiyyatına alınıb.

Nizamnamə kapitalı 100 manat olan MMC-nin qanuni təmsilçisi Ersen Mukremindir.