Berlin hava limanında uçuşlar dayandırılıb

Almaniyanın paytaxtındakı Berlin Brandenburq Beynəlxalq Hava Limanında (BER) uçuşlar müvəqqəti olaraq dayandırılıb.

DPA agentliyinin məlumatına görə, 31 oktyabr axşamı hava limanı ərazisində naməlum dronun aşkar olunması səbəbindən təhlükəsizlik məqsədilə bütün uçuşlara fasilə verilib.

Hadisə ilə əlaqədar bir sıra reyslər digər hava limanlarına yönləndirilib.

Faktla bağlı araşdırma aparılır.