Qırğızıstanın keçmiş prezidenti bütün dövlət mükafatlarından məhrum edilib

Qırğızıstan Prezidenti Sadır Japarov Bişkek şəhərinin Pervomayski Rayon Məhkəməsinin 3 iyun 2025-ci il tarixli hökmünə əsasən Almazbek Şarşenoviç Atambayevin dövlət mükafatlarından məhrum edilməsi barədə fərman imzalayıb.

Təhlil.az xəbər verir ki, keçmiş prezident ölkənin ən yüksək mükafatı olan "Qırğızıstan Qəhrəmanı", 2-ci dərəcəli "Manas" ordeni, "Danaker" ordeni və "Dənk" medalından məhrum edilib.