"Azərsilah"ın əməkdaşı istehsalat qəzasında xəsarət alıb

Dünən səhər saatlarında Müdafiə Sənayesi Nazirliyinin tabeliyində olan "Azərsilah" Müdafiə Sənayesi Holdinqi" QSC-nin Şirvan şəhərində yerləşən zavodlarından birində istehsalat prosesi zamanı baş vermiş qəza nəticəsində bir əməkdaş yüngül xəsarət alıb.

Təhlil.az xəbər verir ki, Nazirliyin  bu barədə açıqlamasında deyilir: "Hadisə yerində təhlükəsizlik qaydalarına uyğun ilkin tibbi yardım göstərilərək əməkdaş dərhal xəstəxanaya çatdırılmış və peşəkar tibbi xidmət almışdır. Hazırda onun vəziyyəti qənaətbəxşdir".