Kolumbiyada törədilən terror aktları nəticəsində 18 nəfər həlak olub

Foto: Maria Fernanda Cabal/X

Kolumbiyanın Santyaqo de Kali şəhərində ən azı 6 nəfər, Antiokiya departamentində isə 12 nəfər müxtəlif üsyançılar tərəfindən həyata keçirilən hücumlar nəticəsində həlak olub.

Təhlil.az xəbər verir ki, Santyaqo de Kali meriyasının bloq yazısında verilən məlumata görə, Kali Səhiyyə Nazirliyi 65 nəfərin yaralandığını və 6 nəfərin həlak olduğunu bildirib.

Qeyd edək ki, terror aktı cümə axşamı günü Santyaqo de Kali hava bazası yaxınlığında bomba yüklü yük maşını ilə həyata keçirilib. İlkin məlumatda l5 ölü, 36 yaralının olduğu bildirilmişdi.

Daha bir qiyamçı hücumu Antiokiya departamentində baş verib, onlar burada polis helikopterini vurublar. Milli polisin son məlumatlarına görə, qəza nəticəsində 12 zabit həlak olub, daha 4 nəfər yaralanıb.

Foto: Milli Polis