“Diplomatiya Könüllüləri” qrupuna qəbul başlayıb

Xarici İşlər Nazirliyi (XİN) Nazirliyin nəzdində fəaliyyət göstərən “Diplomatiya Könüllüləri” qrupuna 2025-2026-cı illər üzrə könüllülərin qəbulunu elan edir.

Təhlil.az XİN-in məlumatına istinadla xəbər verir ki, könüllü sıralarına qoşulmaq istəyən namizədlər üzvlük üçün müəyyən olunmuş tələblərə uyğun şəkildə Nazirliyin rəsmi internet səhifəsindəki elektron xidmət vasitəsilə müraciət edə bilərlər.

Avqustun 15-i müraciətlərin qəbulu üçün son tarixdir.

Müraciətlərin qəbulu yekunlaşdıqdan sonra tələblərə uyğun namizədlərlə seçim prosesinin növbəti mərhələsi üçün əlaqə saxlanılacaq.