Bakıda müdir maaşını istəyən işçisini döydü

Nizami rayonu ərazisində yerləşən çay evlərindən birində çalışan ofisiant gecikmiş maaşını – 114 manatlıq borcu tələb etmək üçün obyektin icarədarı ilə üz-üzə gəlib. Təhlil.az xəbər verir ki, söhbət qısa zamanda mübahisəyə çevrilib, tərəflər arasında gərginlik artıb və nəticədə qarşıdurma fiziki insidentlə yekunlaşıb.

İddialara görə, mübahisə zamanı əsəbiləşən 25 yaşlı icarədar işçiyə qarşı zor tətbiq edib.

Hadisə nəticəsində ofisiant müxtəlif xəsarətlər alıb.

Polis tərəfindən saxlanılan şəxs barəsində cinayət işi başlanıb. Lakin sonradan tərəflər arasında razılıq əldə olunub, zərər ödənilib, şikayət geri götürülüb.

Bu səbəbdən məhkəmə cinayət təqibinə xitam verərək təqsirləndirilən şəxsi məsuliyyətdən azad edib.

Hadisə bir daha göstərir ki, əmək münasibətlərində yaranan kiçik mübahisələr belə nəzarətdən çıxarsa, ciddi nəticələrə səbəb ola bilər.