Zelenski Putinlə şəxsən görüşə hazırdır

Ukrayna Prezidenti Volodimir Zelenski sülh danışıqları çərçivəsində iki əsas məsələni - ərazi mübahisələri və Zaporojye AES üzərində nəzarəti həll etmək üçün Rusiya Prezidenti Vladimir Putinlə şəxsən görüşməyə hazırdır.

Təhlil.az xəbər verir ki, bunu Ukraynanın xarici işlər naziri Andrey Sibiqa bildirib.

O, sülh prosesindəki bu iki ən həssas məsələnin hələ də həll olunmadığını vurğulayıb.

"Zelenski Putinlə görüşməyə və xüsusi olaraq bu məsələləri həll etmək üçün müzakirə aparmağa hazırdır", -  deyə, Sibiqa qeyd edib.