"Bibiheybət" GTZ-dakı günəş panelləri ilə 66 min kVt⋅s-dan çox enerji hasil edilib

Ötən ilin oktyabrında AZCON Holding şirkətlərindən olan ASCO-nun “Bibiheybət” Gəmi Təmiri Zavodunda quraşdırılmış günəş panelləri vasitəsilə indiyədək 66 215.3 kilovat-saat (kVt⋅s) enerji hasil edilib.

Təhlil.az bu barədə ASCO-nun məlumatına istinadla xəbər verir.

Bildirilib ki, təkcə 2025-ci ilin may ayı ərzində 18454.3 kilovat-saat (kVt⋅s) enerji istehsal olunub. Ay ərzində bəzi günlərdə hasilat 800 kVt⋅s həddinə yaxınlaşıb.

Statistikaya görə, indiyədək 65 946.1 kq karbon qazı emissiyasının qarşısı alınıb. Bu isə 3638 ağacın qorunmasına bərabər ekoloji fayda deməkdir. Eyni zamanda, 26 457.8 kq daş kömürə qənaət olunub ki, bu da enerji istehsalında fosil yanacaqlardan istifadəni minimuma endirir.

Qeyd edək ki, “Bibiheybət” Gəmi Təmiri Zavodunda ümumilikdə 512 kvadratmetr əraziyə hər biri 690 Vt olmaqla,162 ədəd günəş paneli quraşdırılıb.