Azərbaycan cüdoçusu tatamidə gücünü göstərəcək

Macarıstanın paytaxtı Budapeştdə keçirilən cüdo üzrə dünya çempionatında bu gün Azərbaycanın daha bir təmsilçisi – +100 kq çəki dərəcəsində çıxış edən Uşanqi Kokauri mübarizəyə başlayacaq.

Təhlil.az xəbər verir ki, təcrübəli cüdoçumuz yarışa 1/32 final mərhələsindən start verəcək. Onun ilk rəqibi Serbiya təmsilçisi İqor Vraçar olacaq.

Qeyd edək ki, Azərbaycan bu mötəbər turnirdə 9 kişi və 4 qadın olmaqla ümumilikdə 13 cüdoçu ilə təmsil olunur. Komanda həm də qarışıq yarışlarda iştirak edəcək.