1 iyuldan etibarən Bakıkartın satış qiyməti 3 manat olacaq

1 iyul 2026-cı il tarixindən etibarən BakıKart kartlarının satış qiyməti 2 manatdan 3 manata dəyişəcək.

Təhlil.az xəbər verir ki, BakıKart-dan verilən məlumata əsasən, kartlar 2015-ci ildən etibarən sərnişinlərin istifadəsinə təqdim olunub və bu müddət ərzində kartın satış qiymətində dəyişiklik edilməyib.

“Kart istehsalı, texniki xidmət, logistika və infrastruktur xərclərində baş verən artımlar nəzərə alınaraq qiymətə yenidən baxılıb.

Bu dövr ərzində sərnişinlər üçün NFC, QR və bank kartları ilə ödəniş imkanları istifadəyə verilib, rəqəmsal xidmətlər daha da genişləndirilib.

Dəyişiklik yalnız yeni əldə edilən BakıKart kartlarının satış qiymətinə aiddir.

Gediş haqlarında dəyişiklik yoxdur. Kart balanslarında dəyişiklik yoxdur”,-deyə məlumatda bildirilib.