Bu gün dünya çempionatında 8 qarşılaşma baş tutacaq

Bakıda keçirilən minifutbol üzrə dünya çempionatında bu gün ikinci yarış gününün həyəcanı yaşanacaq.

Təhlil.az xəbər verir ki, Milli Gimnastika Arenasında təşkil olunan mötəbər turnirdə 8 oyun keçiriləcək və müxtəlif qruplarda komandalar birinci tur çərçivəsində güclərini sınayacaqlar.

Günün ilk oyunu saat 12:45-də başlayacaq – Qana və İspaniya milliləri H qrupunda qarşılaşacaq.

Axşam isə futbolsevərləri Serbiya–İsrail dueli gözləyir.

Azərbaycan millisi isə ötən gün A qrupunda Bəhreynlə qarşılaşıb və 1:1 hesablı heç-heçə ilə start götürüb.

22 may üçün oyun cədvəli 

   E qrupu
14:00 – İndoneziya vs Kosta Rika
15:15 – Monteneqro vs Tayland

  F qrupu
18:15 – Qazaxıstan vs Polşa
19:30 – ABŞ vs Bosniya və Herseqovina

 G qrupu
16:30 – Çexiya vs Argentina
20:45 – Gürcüstan vs BƏƏ

 H qrupu
12:45 – Qana vs İspaniya
22:00 – Serbiya vs İsrail

Qeyd edək ki, dünya çempionatı iyunun 1-də final oyunu ilə başa çatacaq. Turnir boyunca Bakı minifutbolun qlobal mərkəzinə çevrilib və hər oyun azarkeşlər üçün böyük futbol emosiyası vəd edir.