Zelenski münaqişə bitdikdən sonra hakimiyyətdən gedəcək

Vladimir Zelenski münaqişə bitdikdən sonra hakimiyyətdən gedəcəyini açıqlayıb.

Təhlil.az xəbər verir ki, o, bunu “Fox News”a verdiyi müsahibədə jurnalistin iddiasına "bəli" cavabı verərək bildirib.

O, həmçinin Donbasda qoşunların qarşılıqlı şəkildə çıxarılması ilə azad iqtisadi zonanın yaradılması məsələsini referenduma çıxarmağa hazır olduğunu bildirib.

"Düşünürəm ki, kompromis azad iqtisadi zonanın yaradılması ola bilər və biz bir neçə kilometr geri çəkilməli olacağıq. Bu o deməkdir ki, Rusiya da kiçik addımlar atmalı olacaq - bir neçə kilometr. Bu, azad iqtisadi zonanın xüsusi qaydaları olacaq. Referendum kimi bir şey onu qəbul etmək və ya rədd etmək üçün bir yoldur."

Rusiya qüvvələri arasında artan ölüm sayına baxmayaraq, Putin sülh istəmir, deyə Zelenski bildirib.

"Mən Putinə etibar etmirəm. O, Ukrayna üçün uğur istəmir", deyə Zelenski bildirib.

"İnanıram ki, o, Prezident Trampa belə şeylər deyə bilər... amma əslində bu, doğru deyil".

Trampla görüşdən sonra Zelenski bildirib ki, Moskvanın ərazi tələblərindən imtina etmək istəmədiyinə dair heç bir əlamət göstərməməsinə baxmayaraq, 20 maddəlik plan layihəsinin 90%-i ilə bağlı razılığa gəliblər.