Özbəkistan və Pakistan ticarət və nəqliyyatın genişləndirilməsini müzakirə ediblər

Özbəkistan və Pakistan ticarət və nəqliyyatın genişləndirilməsini müzakirə etdilər.

Pakistan Baş nazirinin ticarət koordinatoru Əfzal Xan Özbəkistanın İslamabaddakı səfiri Tuxtayevlə görüşüb. Təhlil.az xəbər verir ki, tərəflər ikitərəfli ticarətin, eləcə də nəqliyyat və iqtisadi əməkdaşlığın inkişafını müzakirə ediblər. Görüş zamanı səfir iki ölkə arasında ticarət dövriyyəsini 2 milyard dollara çatdırmaq kimi ortaq məqsədlərini vurğulayıb.

Bundan əlavə, tərəflər Mərkəzi Asiya, Rusiya və Azərbaycana təklif olunan dəmir yolu marşrutları vasitəsilə nəqliyyat əlaqələrinin genişləndirilməsi məsələsini xüsusi olaraq müzakirə ediblər ki, bu da tranzit müddətini azaldacaq, nəqliyyat xərclərini azaldacaq və bazara çıxışı yaxşılaşdıracaq.