ABŞ Qəzzanın yenidən qurulması üçün büdcədən 60 milyard dollar ayırmayacaq

Vaşinqton Qəzza zolağının infrastrukturunun yenidən qurulması planı üçün büdcədən 60 milyard dollar qrant və kredit zəmanəti verməyi planlaşdırmır. Təhlil.az xəbər verir ki, Dövlət Departamentinin “X” hesabında deyilir:

"Bu, saxta xəbərdir. Planda ABŞ-nin 60 milyard dollar ödəyəcəyi heç bir yerdə deyilmir".

Lakin Dövlət Departamenti Fələstin anklavı üçün yenidənqurma planının mövcudluğunu inkar etmir.

Daha əvvəl "The Wall Street Journal" mənbələrə istinadən ABŞ-nin xüsusi elçisi Uitkof və ABŞ prezidentinin kürəkəni Kuşnerin Qəzza zolağının yenidən qurulması üçün təklif hazırladığını bildirmişdi. Nəşrin məlumatına görə, planda ABŞ-nin layihənin ümumi dəyərinin təxminən 20%-ni, yəni 112,1 milyard dolları öz üzərinə götürməsi nəzərdə tutulurdu.