Zelenski NATO-ya üzvlük tələbindən imtina şərtini açıqlayıb

"Financial Times" qəzetinin məlumatına görə, Zelenski ABŞ və Avropadan təhlükəsizlik zəmanətləri müqabilində NATO üzvlüyü tələblərindən imtina etməyə hazır olduğunu bildirib.

Təhlil.az-ın nəşrə istinadla məlumatına görə, Ukrayna prezidenti Volodimir Zelenski jurnalistlərə bildirib ki, istənilən plan güzəştləri əhatə edəcək, lakin Kiyevin hələ də NATO-nun kollektiv müdafiə haqqında 5-ci maddəsinə bənzər şəkildə ABŞ və Avropadan zəmanətlərə ehtiyacı var:

"Biz Ukrayna və ABŞ arasında ikitərəfli zəmanətlərdən, yəni 5-ci maddəyə bənzər zəmanətlərdən, eləcə də Avropa tərəfdaşlarımızın, həmçinin Kanada, Yaponiya və digər ölkələrin bizim üçün təhlükəsizlik zəmanətlərindən danışırıq".