Myanmada xəstəxanaya hücum nəticəsində azı 31 nəfər həlak olub

Myanmada hərbçilərin xəstəxanaya hücumu nəticəsində ən azı 31 nəfər həlak olub.

Təhlil.az xəbər verir ki, Banqladeşlə sərhəddə yerləşən Raxayn ştatının Mrauk-U şəhərindəki mərkəzi xəstəxanaya təyyarə ilə zərbə endirilib.

"Vəziyyət dəhşətlidir. Hazırda 31 nəfərin ölümünü təsdiq edə bilərik və bu rəqəmin artacağı gözlənilir. Həmçinin 68 yaralı var və onların da sayı artacaq", - hadisə yerində olan humanitar təşkilatın əməkdaşı bildirib.