ABŞ genetik modifikasiya olunmuş uşaqların yaradılması üzərində işləyir

“WSJ” araşdırmasına görə, ABŞ-də və dünyada texnologiya milyarderlərinin və startaplarının gizli bir hərəkatı davam edir və onlar modifikasiya olunmuş genləri olan ilk qanuni (və ya yarı-qanuni) uşaqları yaratmağa çalışır.

Təhlil.az nəşrin məlumatına istinadla xəbər verir ki, onların arasında lider “OpenAI”nin baş direktoru Sem Altman və “Coinbase”in qurucusu Brayan Armstronq tərəfindən dəstəklənən “Preventive” şirkətidir.

“Preventive”, zahirən irsi xəstəlikləri müalicə etmək üçün embrionları redaktə etmək istəyir, amma əslində uşaqları "fərdiləşdirmək" istəyirlər: IQ, boy, göz və saç rəngi, ruhi xəstəlik riski və s.