Ermənistan parlamentinin yeni sədri o oldu

Ermənistanın hakim “Vətəndaş müqaviləsi” fraksiyasının namizədliyini irəli sürdüyü Ruben Rubinyan parlamentin sədri vəzifəsinə seçilib. 

Təhlil.az Ermənistan mətbuatına istinadən xəbər verir ki, səsvermədə 105 deputatdan 91-i iştirak edib. 

Onlardan 63 nəfəri Rubinyanın lehinə, 28 nəfəri isə əleyhinə səs verib. 

Parlamentdəki “Ermənistan” fraksiyası səsvermədə iştirak etməyib, “Güclü Ermənistan” fraksiyası isə Rubinyanın namizədliyinin əleyhinə səs verib. 

R.Rubinyan bu postda Alen Simonyanı əvəz edib. 

Qeyd edək ki, Ruben Rubinyan bundan əvvəl parlament sədrinin müavini vəzifəsini icra edib. O, həm də Türkiyə ilə münasibətlərin normallaşdırılması üzrə Ermənistanın xüsusi nümayəndəsidir.