Pakistan İran və ABŞ-yə atəşkəs planını təqdim edib

İran və ABŞ-yə Pakistan tərəfindən hazırlanan və irəli sürülən atəşkəs planı təqdim olunub.

Təhlil.az xəbər verir ki, bu barədə “Reuters” məlumat yayıb.

Agentliyin yazdığına görə, plandakı bütün müddəaların bu gün (6 aprel-red.) razılaşdırılması mümkündür.

Mənbənin sözlərinə görə, sənəd iki mərhələli yanaşmanı nəzərdə tutur: dərhal atəşkəsin elan edilməsi və bunun ardınca hərtərəfli razılaşmanın bağlanması.

Güman edilir ki, atəşkəs Hörmüz boğazı vasitəsilə gəmiçiliyin dərhal bərpasına imkan verəcək. Yekun razılaşma 15–20 gün ərzində əldə oluna bilər.

Agentliyin yazdığına görə, bu razılaşmaya sanksiyaların yumşaldılması və xaricdə dondurulmuş aktivlərin azad edilməsi müqabilində Tehranın nüvə proqramına məhdudiyyətlərin daxil edilməsi gözlənilir.