Kanadanın Baş naziri: Qrenlandiyanın gələcəyini yalnız Danimarka və adanın xalqı müəyyənləşdirir

Kanadanın Baş naziri Mark Karni Qrenlandiyanın gələcəyi ilə bağlı qərarların yalnız Danimarka və adanın öz xalqı tərəfindən qəbul edilə biləcəyini bildirib.

Təhlil.az xəbər verir ki, o, bu açıqlamanı yanvarın 6-da Parisdə jurnalistlərlə söhbəti zamanı verib.

Karni ABŞ tərəfindən Qrenlandiyanın mümkün ilhaqı ilə bağlı səsləndirilən bəyanat və təhdidlərə münasibət bildirərək vurğulayıb ki, adanın taleyi kənar qüvvələr tərəfindən deyil, yalnız Danimarka və Qrenlandiya xalqının iradəsi əsasında müəyyənləşdirilə bilər.