ÇL-nın ikinci finalçısı "PSJ" oldu

Foto: REUTERS

İngiltərədən 1-0 hesablı qələbə ilə qayıdan Paris təmsilçisi doğma meydanda da rəqibinə şans verməyib. 27-ci dəqiqədə Fabian Ruizin vurduğu qol ilk hissənin yekun nəticəsini müəyyənləşdirib. 

69-cu dəqiqədə meydan sahibləri hesabı artırmaq şansını əldən verib. Vitinyanın 11 metrlik cərimə zərbəsindən fərqlənməsinə David Raya mane olub. Lakin cəmi 3 dəqiqə sonra "PSJ" ikinci qolu vurmağa müvəffəq olub. Bu dəfə Əşrəf Hakimi qonaqları meydanın mərkəzinə dəvət edib. 

Bakayu Sakanın 76-cı dəqiqədə vurduğu qol "Arsenal"ı ümidləndirsə də, Mikel Artetanın yetirmələrinin bundan artığına gücü çatmayıb. 

Mayın 31-də Münxendə keçiriləcək final matçında "PSJ" "İnter"lə üz-üzə gələcək.