Tramp ötən həftə Venesuela prezidenti ilə telefonla danışıb

ABŞ prezidenti Tramp ötən həftə Venesuelalı həmkarı Maduro ilə telefonla danışıb.

Təhlil.az xəbər verir ki, "The New York Times" qəzeti bu barədə "məlumatlı mənbələrə" istinadən məlumat yayıb.
Məlumata görə,  Tramp və Maduro mümkün ikitərəfli görüşü müzakirə ediblər, lakin danışıqlar üçün konkret planlar barədə razılığa gəlinməyib.

Zəngdə Venesuela liderinin qatı əleyhdarlarından biri olan ABŞ dövlət katibi Rubio da iştirak edib.

Son aylarda ABŞ Venesuelanı hədəf alaraq Karib dənizindəki hərbi mövcudluğunu əhəmiyyətli dərəcədə artırıb.

Vaşinqton məqsədin narkotik qaçaqmalçılığına qarşı mübarizə aparmaq olduğunu bildirib, eyni zamanda Maduronu hakimiyyətdən, ehtimal ki, güc yolu ilə uzaqlaşdırmaq istəyini də açıq şəkildə bildirib.