Vyetnamda güclü yağışlar 55 can aldı

Vyetnamın mərkəzində davam edən güclü yağışlar, daşqınlar və torpaq sürüşmələri nəticəsində ölənlərin sayı 55 nəfərə çatıb, daha 13 nəfər isə itkin düşmüş hesab olunur.

Təhlil.az xəbər verir ki, bu barədə ölkənin Təbii Fəlakətlərin Nəticələrinin Aradan Qaldırılması Agentliyi məlumat yayıb.

Rəsmi açıqlamaya görə, təbii fəlakət ən çox Daklak və Khanhoa əyalətlərinə ziyan vurub. Daklakda 27 nəfər, Khanhoada isə 14 nəfər həyatını itirib.

Hökumət daşqının vurduğu ümumi ziyanı 8.98 trilyon donq (təxminən 341 milyon dollar) olaraq qiymətləndirib.

Agentliyin məlumatına görə:

235 000-dən çox ev su altında qalıb,

80 000 hektara yaxın əkin sahəsi məhv olub və ya ciddi ziyan görüb.

Axtarış-xilasetmə əməliyyatları davam etdirilir.