Maduro ABŞ və Venesuela tələbələrini müharibəyə qarşı birliyə çağırdı

Venesuela Prezidenti Nikolas Maduro Bolivar Respublikasındakı və ABŞ-dəki tələbə hərəkatlarını Latın Amerikası, Karib hövzəsində müharibəyə qarşı çıxmağa, birləşməyə çağırıb.

Təhlil.az xəbər verir ki, Maduro bu açıqlamanı Prezident Sarayında tələbələr qarşısında çıxışında verib.

Veriliş "Venezolana de Televisión" televiziya kanalı tərəfindən yayımlanıb.

"Sülhü müdafiə edən Venesuela tələbə briqadalarına tapşırıram; ABŞ-dəki tələbə hərəkatı və tələbələrlə əlaqə saxlasınlar və onlara desinlər: müharibəni dayandırın, müharibəyə yox, Venesuela sülh istəyir", - deyə, o bildirib.