Qəzzada beynəlxalq qüvvələr 2026-cı ilin əvvəlində yerləşdiriləcək

BMT Təhlükəsizlik Şurasının qərarının təsdiqlənməsindən sonra ABŞ Qəzzada beynəlxalq sabitləşdirici qüvvələrin yaradılması prosesini sürətləndirib.

Təhlil.az xəbər verir ki, "The Jerusalem Post" qəzetinə danışan amerikalı rəsminin sözlərinə görə, ilk hərbçilərin 2026-cı ilin əvvəlində bölgəyə göndərilməsi planlaşdırılır.

Bir neçə ölkə artıq öz əsgərlərini missiyaya cəlb etməyə hazır olduğunu bildirib, lakin konkret dövlətlərin adları açıqlanmır.

Qüvvələrin əsas məqsədinin bölgədə təhlükəsizliyin təmin edilməsi, humanitar fəaliyyətə şərait yaradılması və atəşkəs rejiminin davamlılığına dəstək olduğu vurğulanır.