Kobaxidze: “Aİ-nin Gürcüstanla vizasız rejimi ləğv edəcəyini gözləmirəm”

Gürcüstanın Baş naziri İrakli Kobaxidze bildirib ki, Aİ-nin Gürcüstanla vizasız rejimi dayandıracağına inanmır, çünki bu, Brüsselin “son təzyiq vasitəsidir”.

Təhlil.az xəbər verir ki, onun sözlərinə görə: Aİ artıq Gürcüstan xalqına təsir göstərmək üçün bütün rıçaqlardan istifadə edib, yeganə qalan isə vizasız rejimin dayandırılmasıdır.

Lakin Kobaxidze hesab edir ki, Brüssel bu addımı atsa belə, məqsədinə çatmayacaq və “Kollektiv Vahid Milli Hərəkatı” yenidən hakimiyyətə qaytara bilməyəcək.

O, vizasız rejimin ləğvini qeyri-praqmatik qərar adlandırıb.

Xatırladaq ki, 17 noyabrda Aİ Şurası 61 ölkə, o cümlədən Gürcüstan üçün vizasız rejimi dayandırma prosesini asanlaşdıran islahatları dəstəkləyib.