İranda Xəzəryanı ölkələrin sahilyanı vilayət rəhbərlərinin toplantısı keçiriləcək

Noyabrın 18–19-da İranda Xəzəryanı dövlətlərin sahilyanı vilayət rəhbərlərinin görüşü təşkil olunacaq. Toplantı Gilan vilayətinin Rəşt şəhərində “Xəzər – dostluq və regional inkişaf körpüsü” devizi altında keçiriləcək.

Tədbirdə beş Xəzəryanı ölkənin – Azərbaycan, Rusiya, İran, Qazaxıstan və Türkmənistanın nümayəndələri iştirak edəcək. Görüşün məqsədi Xəzər hövzəsi ölkələri arasında regional əməkdaşlığı genişləndirmək, iqtisadi və sosial inkişaf layihələrini müzakirə etməkdir.