Makronun seçki maliyyəsi işi böyüyür

Fransa Prezidenti Emmanuel Makronun seçki kampaniyalarının qanunsuz maliyyələşdirilməsi ilə bağlı istintaq çərçivəsində “McKinsey” konsaltinq şirkətinin Paris ofisində axtarış aparılıb.

Təhlil.az xəbər verir ki, axtarış noyabrın 6-da həyata keçirilib.

Məlumata görə, bundan əvvəl müstəntiqlər “McKinsey” şirkətinin hazırkı və keçmiş rəhbərlərinin evlərində, Makronun “Dirçəliş” partiyasının ofisində və firmanın Parisdəki mənzil-qərargahında da axtarışlar aparıblar.

Fransanın Milli Maliyyə Prokurorluğu 2022-ci ildə “McKinsey” ilə bağlı istintaqa başlayıb. İddiaya görə, şirkət 2017 və 2022-ci illərdə Makronun seçkiqabağı kampaniyalarının maliyyələşdirilməsində qanunsuz iştirak edib.