Tehranda su böhranı: paytaxtda cəmi iki həftəlik su qalıb

İranda uzun sürən quraqlıq paytaxt Tehranı ciddi su çatışmazlığı ilə üz-üzə qoyub.

Təhlil.az xəbər verir ki, Şəhərin Su İdarəsinin baş direktoru Behzad Parsa açıqlayıb ki, Tehranın yalnız iki həftəlik su ehtiyatı qalıb və bu müddətdən sonra əhaliyə su verilməsində çətinlik yarana bilər.

Onun sözlərinə görə, su anbarları kritik səviyyəyə düşüb, yağışsız hava və yüksək istehlak vəziyyəti daha da ağırlaşdırıb.

Rəsmilər vətəndaşları suya qənaət etməyə çağırır, lakin ekspertlər xəbərdarlıq edir. Əgər təcili tədbirlər görülməsə, Tehran tamamilə susuz qala bilər.