Gürcüstan Prezidenti bir sıra müxalif partiyaların fəaliyyətinə qadağa qoyulmasını dəstəkləyib

Gürcüstan Prezidenti Mixail Kavelaşvili bildirib ki, əgər bəzi partiyalar xarici maliyyələşmə vasitəsilə siyasi mühitə qəsdən zərər vurursa, belə partiyaların siyasi məkanımızda mövcudluğuna son qoyulması üçün şərait yaranır.

Təhlil.az xəbər verir ki, parlament əvvəllər Konstitusiya Məhkəməsinə “Vahid Milli Hərəkat”, “Dəyişikliklər Koalisiyası” və “Güclü Gürcüstan” partiyalarının fəaliyyətinə qadağa qoyulması ilə bağlı müraciət edib. Qadağa verilən partiyaların üzvləri həmçinin deputat seçilmək, dövlət qurumlarında rəhbər vəzifə tutmaq və digər partiyalara qoşulmaq imkanından məhrum ediləcəklər.