Zelenski: "Ukrayna 250 döyüş təyyarəsi alacaq"

Ukrayna Prezidenti Vladimir Zelenski ölkəsinin yaxın illərdə 250-yə qədər yeni döyüş təyyarəsi əldə etməyi planlaşdırdığını açıqlayıb.

Təhlil.az xəbər verir ki, Zelenskinin sözlərinə görə, bu məqsədlə ABŞ, Fransa və İsveç hökumətləri ilə danışıqlar aparılır. Yeni aviasiya donanmasının tərkibinə F-16, Gripen və Rafale tipli qırıcıların daxil ediləcəyi gözlənilir.

“Ukrayna Hərbi Hava Qüvvələrinin gələcək tələbatı 250 təyyarədən ibarətdir,” – deyə dövlət başçısı vurğulayıb.

Prezident əlavə edib ki, İsveç istehsalı olan Gripen təyyarələri Ukrayna üçün prioritet sayılır:

“Bu qırıcılar texniki xidmət baxımından ən ucuzdur və silah istifadəsi baxımından da əlverişlidir. Hər şey onlara bağlıdır”.