Hindistan İraq və Qətərdən neft almağa başlayıb

Hindistanın Rusiya neftinin ən böyük alıcısı olan “Reliance Industries” Vaşinqtonun “Lukoil”, “Rosneft” və onların törəmə şirkətlərinə qarşı sanksiyalarının tətbiqindən sonra Yaxın Şərq və ABŞ-dən xammal almağa keçib. Təhlil.az xəbər verir ki, məsələ ilə tanış olan treyderlərin sözlərinə görə, sözügedən xam neftlərə Səudiyyə Ərəbistanının “Khafji”, İraqın “Basrah Medium” və Qətərin “Al-Shaheen” şirkətlərinin, eləcə də ABŞ-nin bəzi “West Texas Intermediate” şirkətinin məhsulları daxildir. Mənbələr izah ediblər ki, bu çatdırılmaların dekabr və ya yanvar aylarında həyata keçirilməsi gözlənilir.

Ümumilikdə, Hindistan şirkəti oktyabr ayında spot bazarında ən azı 10 milyon barel xam neft alıb və treyderlərin sözlərinə görə, bu həcmlərin əsas hissəsi Yaxın Şərq xam neft növləri olub. “Reliance Industries” şirkətinin xam neft alışlarının əksəriyyəti ABŞ-nin Rusiyaya qarşı sanksiyalarının tətbiqindən sonra həyata keçirilib.

Mənbələrə görə, digər Hindistan neft emalı zavodları da xüsusən də Yaxın Şərq, ABŞ və Braziliyadan spot tədarüklərdə maraqlıdırlar.

Qeyd edək ki, bu il “Reliance Industries” şirkəti “Rosneft” ilə uzunmüddətli müqavilə çərçivəsində xam neft alaraq, Hindistanın həcm baxımından ən böyük Rusiya neft idxalçısı olub.