Norveç Gürcüstana səfərindən sonra ATƏT-in fəaliyyətdə olan sədrini dəstəkləyir

Norveç və digər doqquz ölkə ATƏT-in fəaliyyətdə olan sədri, Finlandiyanın xarici işlər naziri Elina Valtonenin Tbilisidə keçirilən etiraz aksiyasında çıxışından sonra ona tam etimad göstərib.

Təhlil.az-ın məlumatına görə, Norveçin xarici işlər naziri Espen Bart Eide vurğulayıb ki, Valtonenin iştirakı qərəzsizlik prinsipini pozmur və ATƏT-in insan hüquqlarının qorunmasına sadiqliyini əks etdirir.

Bəyanatda qeyd olunub ki, ifadə azadlığı və dinc toplaşmaq hüququ Helsinki Yekun Aktında və 1991-ci il Moskva Sənədində təsbit olunub.

İslandiya, Kanada, Danimarka, Estoniya, Litva, Latviya, Hollandiya, İsveç və Böyük Britaniya da dəstəyini ifadə edib.