Zelenski: "Putinlə dünyanın istənilən yerində görüşməyə hazıram"

Ukrayna Prezidenti Volodimir Zelenski Rusiya lideri Vladimir Putinlə istənilən formatda və dünyanın istənilən yerində görüşməyə hazır olduğunu bəyan edib.

Təhlil.az xəbər verir ki, bu barədə Ukrayna Prezidentinin Ofisinin rəhbəri Andrey Yermak “Axios” portalına açıqlamasında məlumat verib.

Yermakın sözlərinə görə, Zelenski bu barədə ABŞ Prezidenti Donald Trampa bildirib:

“Zelenski Trampa deyib ki, Putinlə görüşə razıdır, yalnız Rusiya və Belarus istisna olmaqla”, – Yermak qeyd edib.