Ərdoğan: Qəzzada atəşkəsin əsas müşahidəçisi Tramp olacaq

Türkiyə prezidenti Rəcəb Tayyib Ərdoğan ABŞ lideri Donald Trampın Qəzzada atəşkəs rejiminə baş nəzarətçi olacağını bildirib. Təhlil.az xəbər verir ki, Ərdoğan deyib:

Ümid edirik ki, Qəzzada döyüşlər hələlik dayandırılıb. Cənab Trampın bu məsələ ilə bağlı açıqlaması son dərəcə əhəmiyyətlidir. Tramp bu məsələdə əsas müşahidəçi olacaq. Bu barədə görüşlərimizdə özü də bildirib. Biz şəxsən danışanda, o, telefonla əlaqə saxlamağı və telefon diplomatiyasına laqeyd yanaşmamağı təklif etdi. Biz bütün səviyyələrdə danışıqlarımızı davam etdirəcəyik. Cənab Trampla qurduğumuz bu diplomatiya son dərəcə vacibdir. Biz bunu davam etdirəcəyimizə ümid edirik və sülh mühitinin yaradılması üçün lazım olan hər şeyi edəcəyik. Misirdə toplaşan bütün ölkələr bu sülh atmosferinin qarantı olacaq.