İsrail 11 HƏMAS üzvünü azad edəcək

İsrail 11 nəfər HƏMAS üzvünü azad edəcək. Təhlil.az xəbər verir ki, bu barədə İsrail ordusunun radiosunda məlumat verilib. Bildirilib ki, razılaşmada 11 məhbusun “Fatah” təşkilatından seçilməsi nəzərdə tutulmuşdu, lakin son anda bu qərar dəyişdirilib və azad olunacaq məhbusların HƏMAS-dan olması məqsədəuyğun hesab edilib.
Qeyd edək ki, əldə olunan razılaşmaya əsasən HƏMAS atəşkəsdən 72 saat sonra 20 İsrailli canlı girovu azad etməlidir. İsrail isə uzunmüddətli cəzaya məhkum edilmiş 250 fələstinlini, eləcə də 2023-cü il oktyabrın 7-dən bəri həbs olunan 1700 fələstinli məhbusu azad edəcək.