Alen Simonyan Robert Köçəryanı siyasi meyit adlandırıb

Hörmətli jurnalistlər, mən Köçəryanın mətbuat konfransına baxmamışam və izləməyi də planlaşdırmıram. İnternetdə bir neçə video parçası və mediada bir-iki sitat gördüm.

Təhlil.az xəbər verir ki, bu sözləri Ermənistan Milli Assambleyasının sədri Alen Simonyan jurnalistlərə açıqlamasında deyib. O əlavə edib:

“Məzmun baxımından gözlənilən yeni heç nə yoxdur və estetik baxımdan bu adamı izləmək və ya dinləmək sadəcə olaraq xoşagəlməzdir. Onun psevdo-gülümsəmələri, qaşqabaqları, çılğınlıqları, “cəsarətləri” artıq heç kimə maraqlı deyil; əhvalını pozmamaq üçün hələ heç kim ona deməyib. Əgər onun deyəcək siyasi sözü varsa, yol çoxdan müəyyən edilib – qoy o, cəsarətini toplayıb Ermənistan Respublikasının yeganə seçilmiş lideri ilə debata gəlsin. Baxmayaraq ki, mən əminəm, bir vaxtlar özünü “ölkənin yeganə adamı” elan edən adam da bütün seçilməyənlər kimi qorxur”.

Daha sonra Simonyan Köçəryana müraciət edərək deyib:

"Qorxma, onsuz da siz çoxdan siyasi meyitsiniz, itirəcək heç nəyiniz yoxdur və heç olmasa bu yolla kimin daha çox meyit olduğunu öyrənmək şansınız olacaq.