Polşa prezidenti Rusiyanı tənqid etdi

Polşa prezidenti BMT Baş Assambleyasında Rusiyanı müstəmləkəçilik ambisiyalarında ittiham edib. Təhlil.az xəbər verir ki, o, Rusiyanın Ukraynaya qarşı təcavüzünün sadəcə regional münaqişə olmadığını bildirib.

“Bu, BMT-nin əsasını qoyduğu prinsiplərin zamanın sınağından keçib-keçməyəcəyinin və yaxud özünü qanundan üstün hesab edən və bu Assambleyanın və digər assambleyaların qətnamələrinə dəfələrlə məhəl qoymayan bir dövlətin imperiya və müstəmləkəçilik ambisiyalarının zülmünə tab gətirə bilməyəcəyinin bir sınağıdır”, - deyə Navroçki bildirib.