Çin Ordusu Qələbə paradında yeni hərbi texnikalarını nümayiş etdirəcək

Çin Xalq Azadlıq Ordusu (ÇXAO) Çinin paytaxtında Yaponiya təcavüzünə qarşı Çin Xalq Müqavimət Müharibəsində və Ümumdünya Antifaşist Müharibəsində qələbəsinin 80 illiyi münasibətilə keçiriləcək hərbi paradda hipersəs raketləri, yeni tanklar və pilotsuz sistemlər nümayiş etdirəcək. Təhlil.az xəbər verir ki, bunu hərbi paradın keçirilməsi üzrə aparıcı işçi qrupunun rəhbərinin müavini, ÇXR Mərkəzi Hərbi Komissiyasının Birləşmiş Qərargahının əməliyyat şöbəsinin rəis müavini, general-mayor Vu Zeke deyib.

“Əsas hissə ordumuzun sistemli döyüş qabiliyyətini nümayiş etdirəcək yeni tanklar və daşıyıcı təyyarələr üçün döyüş modulları kimi dördüncü nəsil silahlardan ibarətdir. Digər bir xüsusiyyət hipersəs, zenit və raket əleyhinə, eləcə də strateji raketlər kimi bir sıra qabaqcıl silahların nümayişidir”, - o, mətbuat konfransında deyib.

Vu Zeke qeyd edib ki, Çin, həmçinin ictimai quru, dəniz, hava pilotsuz intellektual və pilotsuz sistemlər, şəbəkə və elektron döyüş vasitələrini nümayiş etdirəcək. O, paradda təqdim olunacaq silahların hamısının yerli istehsal olduğunu vurğulayıb.

"Bu, 2019-cu ildə ÇXR-in yaradılmasının 70 illiyi şərəfinə keçirilən paraddan sonra ordumuzun yeni nəsil silah və texnikasının ilk kütləvi nümayişidir", - aparıcı işçi qrupunun rəhbərinin müavini əlavə edib.

Qeyd edək ki, genişmiqyaslı parad sentyabrın 3-də Pekində keçiriləcək və burada Çin xidmətdə olan hərbi texnikasını nümayiş etdirəcək. Mərasimdə bir sıra ölkələrin liderləri iştirak edəcək.