Mişustin Rusiya-ABŞ sammitinə görə Aİİ baş nazirlərinin iclasını vaxtından əvvəl tərk edir

Rusiyanın baş naziri Mixail Mişustin Moskvaya qayıtmaq üçün Avrasiya Hökumətlərarası Şurasının iclasında iştirakını vaxtından əvvəl dayandırıb.

"Həmkarlar, diqqətinizə görə təşəkkür edirik. Eyni zamanda, məni bağışlayın, Moskvaya qayıtmalıyam. Bilirsiniz ki, bu gün Alyaskada prezidentlər Vladimir Vladimiroviç Putin və Donald Trampın iştirakı ilə Rusiya-Amerika sammiti olacaq", - Baş nazir bildirib.

"Görüşü davam etdirməyinizi xahiş edirəm. Sizə məhsuldar iş arzulayıram. Sağ olun!", - deyə Mişustin nitqini yekunlaşdırıb.