“Gürcü arzusu” rəsmi olaraq Tbilisi meri vəzifəsinə Kaxa Kaladzenin namizədliyini irəli sürüb

Kaxa Kaladze “Gürcü Arzusu”ndan Tbilisi meri vəzifəsinərəsmi namizəddir. Təhlil.az xəbər verir ki, onun namizədliyinin irəli sürülməsi ilə bağlı tədbir paytaxtın Mtatsminda parkında baş tutub və orada hakim partiyanın üzvləri və onun təsisçisi və fəxri sədri Bidzina İvanişvili iştirak edib. Gürcüstanın baş naziri İrakli Kobaxidze Kaladzenin namizədliyini irəli sürüb.

“Bu gün biz Tbilisi meri postuna yaxşı siyasətçi, yaxşı menecer və ya yaxşı vətənpərvər namizəd irəli sürə bilərdik, lakin biz əsl çempionu Tbilisi meri vəzifəsinə namizəd kimi təqdim edirik. Namizədimiz Gürcüstana ən yüksək səviyyədə qələbələr qazandıran şəxsdir. Namizədimiz çempion, siyasətçi, idarəçi və vətənpərvərdir. O, nümunəvi ailə başçısı, nümunəvi dost və nümunəvi silahdaşdır”, - İrakli Kobaxidze bildirib.

Kaladze üçüncü müddətə seçiləcəyi təqdirdə proqramını qurmağı planlaşdırdığı iki əsas prinsipini səsləndirib: “Tbilisi məsuliyyət şəhəridir, Tbilisi imkanlar şəhəridir”.

Kaxa Kaladze üçüncü dəfə Tbilisi merliyinə namizəd olacaq. O, 2017-ci ildə paytaxtın meri olub, ikinci səlahiyyət müddəti 2021-ci ildə başlayıb.